Main Anembiak Dulu.

Bansa kitai Iban keterubah iya bedau bisi perengka pemerindang baka ke diatu jeman kelia merindang ati enggau maioh macam bansa main enggau gagai. Enda milih nyak main anembiak tauka main urang besai tuai. Ketegal main tu meh kitai bansa chukup dikelala sereta muntang agi ditemu bansa bukai sapa kitai.

Nyadi ke sekali tu aku deka bekunsi enggau kitai sebengkah main anembiak ke bisi sereta kala dimain kitai kelia.

1) Tekup bedaup.

Tekup bedaup,

Undang baruh batang,

Gerama baruh reba,

Lelabi baruh titi,

Sawa ngibun api,

Ketupung bermunyi,

Raung ingguk-ingguk,

Baya mansai lubuk,

Menaul nginang manuk,

Rusa panjai tanduk.

Semawa liuk-liai,

Beketan tau nyimpai,

Penyimpai batang penduk,

Bedagang ini'(inik) manang,

Bulih benda anak jaguk.

Madi ke engkari,

Bulih padi seseluk,

Nyeling ari tinting,

Meda Keling benung beamuk,

Nubai sungai kasai,

Meda ikan changkuk-liuk,

Ngempang batang rajang,

Meda kenyalang changuk-changuk,

Genuk meayuk-ayuk,

Ditebuk buntak dayung,

Entekai muai liai,

Dichanggai kuk ugung.